Ikte lágiduvvui vuosttaš Saami Ski Race gilvočuoigan Suoma Heahtás Guovdageidnui, gos sáhtii čuoigat juogo 90 dahje 60 kilometara.
Badjelaš 270 čuoigi čieža iešguđet Eurohpá-riikkas serve Saami Ski Raceii ja sii rámpojedje dáid ođđa gilvvuid.
Guovdageainnu ja Heahtá suohkanat ja valáštallansearvvit ohcetge dál čuoigamiid Máilmmecup dássái boahtte jahkái, muitala Saami skirace lágideaddji Svein Ole Sandvik:
- GULDAL:
Dievdduid 90 km luisten-luohká vuitii suopmelaš Mikko Maaranen. 90 km árbevirolaš luohká vuittii norgalaš Andreas Nygaard.
Nissoniid 90 km luistema vuittii suopmelaš Susanna Nevala. 90 km árbevirolaš čuoigama vuoiti lei ruoŧŧelaš Sandra Hansson.
60 km čuoigamis, mas dievddut ja nissonat čuige ovttas, bođii Mariela Idivuoma Gironis eret vuosttažin mollii.