NRK Meny
Normal

Russapresideanta: – Deháleamos deaivvadit – ii ge juhkat

Dál lahkonišgoahtá giđđa ja dat mearkkaša maid russááigi joatkkaskuvllain. Nuoraid russabiktasiiguin lea dábálaš oaidnit giđabeallái. Muhto dása gullá maid dávjá alkohola.

Aigin Magnus Fjellheim Sarre

Kárášjoga joatkkaskuvlla russapresideanta Aigin Magnus Fjellheim Sarre.

Foto: Inga Elin Marakatt / Nrk Sápmi

Russačuolmmat leat erenomáš hástalusat maid skuvlla russastivra mearrida skuvlarussaide. Muhtin ráje čuolmmain leat ahte joatkkaskuvla oahppit galget gohcit birra jándora ja čađat russabiktasat badjelis.

Muhto dáid russačuolbmahástalusaide gullá maid juhkat, alkohola juhkat.

Kárášjoga joatkkaskuvlla russapresideanta Aigin Magnus Fjellheim Sarre muitala ahte sii leat váldán eret muhtun russačuolmmaid mat gáibidit alkohola juhkat.

– Mii leat plánen ollu russahástalusaid oččodan dihtii olbmuid dahkat feara maid ja daidda ii gula alkohola. Min ulbmil lea suohtastallat ja deaivvadit - nu ahte nuorat eai dušše čohkká ruovttus, čilge Sarre.

Dat galget leahkit somás hástalusat mas ii dárbbaš juhkat. Mun dego russa presideanta in háliit ávžžuhit olbmuid juhkat.

Kárášjoga russapresideanta Aigin Magnus Fjellheim Sarre

– Dál ovdal beassážiid mis lea čoahkkin mas mii gávnnahat ovttas maid sáhttit dahkat ja makkár čuolmmat dán jagi russain galget leahkit, dadjá russepresideanta Fjellheim Sarre.

- Deháleamos lea deaivvadit, iige juhkat, dadjá Sarre.

Guovdageainnu Russat gásttašuvvot

GÁSTTAŠEAPMI: Dás oainnát č russagásttašeami mii dáhpáhuvai Guovdageainnus 2013:s.