Ruoŧa stáhta hilgu dal Dálmma čearu

Ruoŧa stáhta hilgu dal oalát Dálmma čearu stevdnema Stockholmma diggerievttis mii guoská Norgga-Ruoŧa boazoguohtunšiehtadussii. Dálbma čuoččuha ahte stáhta lea rihkkun čearu vuoigatvuođaid go lea diktan norggabeale orohaga guođuhit čearu eatnamiin Ruoŧas gaskkal 2002 ja 2005. Čearru gáibida 1,2 millijovnna kruvnnu vahátbuhtadussan - muhto stáhta lea dal čállágis diggeriektái vástidan ahte sis lea riekti ávkkástallat guohtuneatnamiid dan boazoguohtunsoahpamuša várás.