Ruoššaluossa boktá fuola

Nuorta-Finnmárkkus ballet, ahte Deanučázádagas šaddá ruoššaluosaid monnevuovda. Dán geasi lea olu dát čáhppeslisttu luosat beassan gođđat Deanučázádagas, mii lea okta atlandda luosa deháleamos čázádagain. Maŋimuš jagiid áigge lea luossamáttodat geahppánan sakka ja cuoŋománus Norga ja Suopma ovttasráđiid mearrideigga gieldit luossabivddu jahkái 2021. Ráfáidahttima geažil ruoššaluossa beasai ráfis goargŋut deanučázádahkii. Birasdirektoráhta seniorráđđeaddi Stura Brørs ádde dán fuola maid dát ruoššaluossa boktá, eantalitge go das ii leat dárbu máhccat johkii gos dat lea gođđan ja sáhttá válljet lagamuš joga dahjege joga mii lea guhkkelabbos ja danne dat sáhttá leavvat viidát, dadjá Brørs.

Korte nyheter

  • Hætta Eriksen 100 jagi

    Guovdageaidnulaš Edel Hætta Eriksen devddii 100 jagi ikte. Guhkes eallimis lea viššalit ja áŋgirit bargan oažžut sámegiela oidnosii ja oahpahusgiellan. Son lea maiddái leamaš guovddážis sámi kultureallimis.

    Edel Hætta Eriksen er overrasket over funnet av dagboken
    Foto: Jenna Rasmus / NRK
  • Áigot sámevašiin bargat

    Sámevašši galgá loktejuvvot sierra áššesuorgin Sámediggeráđis, nu boahtá ovdal Beaiveálgu-julggaštusas. Ođđa sámediggeráđđi galgá vuoruhit doaimmaid mat eastadit sámevaši ja mat buktet máhtu ja meannudanvuogádagaid, čuožžu julggaštusas.

    Kommentarfeltet. Hets mot samer
    Foto: Mikkel Berg-Nordlie / NRK