Ruošša ja USA áibmofalleheamit
USA ja Ruošša eiseválddit áigot navdimis dán vahkkoloahpa árvvoštallat sierra njuolggadusaid mot áibmofalleheamit Syrias galget čađahuvvot. Dan dieđiha amerihkálaš suodjalusdepartemeanta, muitala AFP ođasdoaimmahus. Sihke Ruošša ja USA girdit leat mielde bombemis Syrias. Ballu lea ahte girdit sáhttet beaškkehit oktii áimmus, dan geažil áibmofalleheamit leat unnán koordinerejuvvon ovddalgihtii.