Bearráigeahčči Anna Ingeborg Bye, muitala ahte njuolggadusrihkkumat maid bearráigeahččit gávdne boradanbáikkis, ledje dan veardde čujuhanveará ahte sáhttet leat varalaččat dearvvašvuhtii.
-Go rihkkot njuolggadusai ja jus eai čuovvol mearkkašumiid de sáhttá leat váralaš dearvvašvuhtii.
Beaivválašjođiheaddji Ruitus, Mona Lind Roska, lohka áddet bures ahte leat garra njuolggadusat borramušgieđahallama ektui.
- De ádden ahte galget leat garra njuolggadusat go lea biepmu birra sáhka.
Eai bissehan doaimma
Biepmobearráigeahčču Anna Ingeborg Bye, dieđiha ahte borramušbearraigeahččus lea vejolašvuohta giddet boradanbáikkiid mat eai čuovo njuolggadusaid. Muhto deattuha ahte eai lean nie groavva rihkkumat Ruittus, ahte fertedje bissehit doaimmaid.
Beaivválašjođiheaddji Roska, čuoččuha ahte sii leat dál divvun buot maid bearraigeahččit cuiggodedje. Dán duođasta maid borramusbearraigeahčči Bye, muhto aigot lihkká gal boahtet iskat báikki ođđajagimánus.