NRK Meny
Normal

Ruhtaautomahtat jávkan, muhto speallan jotko

Váikke vel ruhtaautomáhtat leat ge dál jávkaduvvon miehtá Norgga, de lea ain vejolaš speallat ruđaiguin interneahtas.

nettpoker
Foto: Illustrasjon

Dovddus speallanvejolašvuohta lea ain neahttapoker, mas sáhttá golahit olu ruđa jus vuos darváneaš dasa.

Dalle gal sáhttá dagahit maiddái váttisvuođaid bearrašii, lohká psykologa.

– Neahttapokeris leat dušše vihtta proseanta spelliin geat vuitet, lohká aŋgiris neahttapokerspealli, Hans Ari Varsi

GULDAL: Neahttapoker ja ruhtaspeallan

 

 

Neahttapoker automahtaid haga

Neahttapoker ja eará interneahtta-ruhtaspealut soitet váldán dan saji mii ovdalis lei ruhtaautomáhtain, muhto dán in fidne ovttage duođaštit.

poker,
Foto: Jay Directo / Scanpix/AFP

Hans Ari Varsi, Bærumas doaivu ahte livčče seamma olu neahttapokerspeallit vaikko vel automáhtat gávdnoše ja jáhká maid spealliid logu lassanit.

Várre earáid álgimis

Varsi muitala ahte lea speallan dábálaš koartapokera juo mánnán ja álggii neahttapokerin go lei 17 jahkásaš.

Son lea vuoitán moddii stuora ruhtalána ja lohká maid manahan moadde mánnobálkká dáinna speallamin ja son gal ii ávžžut buohkaid searvat.

­– Bahá darvánit

Dát leage álgu ahte olbmot darvanit nugo neahttapokerii, lohká Sámi nášunála gelbbolašvuođa psykologaguovddaža psykologa, Anne Lene Turi:

Lea leamaš váttis gávdnat duođaštusaid dasa man olu ruđa norgalaččat goláhit neahttapokerii ja eará ruhtaspealuide.

Psykologa Anna Lene Turi, muitala  ruhtaautomáhtaid speallama birra ahte speallan daiguin sáhtii dagahit stuorra ekonomalaš váttisvuođaid olles bearrašiidda, muhto nu sáhttá maid neahttapokerspealli šaddat:

Bargiidbellodaga Sámedikki válgaprográmmas lei ruhtaspeallanváttisvuohta mielde, ja Sámediggepresideanta, Egil Olli, gal lohká ge iežaset bellodaga bargan váttisvuođain.

Veahkki gávdno

Go vuos neahttapoker ja eará neahttaspealut leat šaddan váttisvuohtan de gávdno veahkki dás beassat eret, lohká Sámi nášunála gelbbolašvuođa psykologaguovddaža psykologa, Anne Lene Turi