Ruhtadoarjja árbevieru loktemiid

Deanu joatkkaskuvla lea ožžon 339 000 ruvnno ruhtadoarjaga Sámedikkis. Ohcamis lea skuvlla deattuhan ahte Árbediehtu prošeavttain áigot sii ovddidit ja seailluhit sámi árbevieruid, ja prošeakta galgá boahtit buorrin mánáide mánáidgárddis gitta joatkkaskuvlla dássái, oahpaheddjiide ja earáide geat beroštit sámi kulturárbbis ja árbevirolaš sámi meahccegeavaheamis.