NRK Meny

Ruhtadit soabadanbargguid

Sámediggeráđđi lea juolludan beannot čuohte duhát kruvnna girku riikkaidgaskasaš konferánsii álgoálbmogiid ja soabadanproseassaid hárrái. Sámediggeráđđi Henrik Olsen lohká ruhtadeame oassin Sámedikke barggus, duođaštan- ja soabadanproseassa ásaheami olis, čállá Ávvir. Geassemánu loahpas dat lágida Sámi girkoráđđi dán riikkaidgaskasaš konferánssa Troanddimis, mas bidjet fuomášumi dasa ahte girkus lea erenoamáš ovddasvástádus dákkár soabadanproseassain.