Ruhtadit eamiálbmotgielaid

Ráđđehus árvala 1,1 miljovnna ruvnno Sámediggái čalmmustahttit Riikkaidgaskasaš eamiálbmotgielaid jagi 2019. – Lea buorre go ráđđehus juolluda ruđa Sámediggái giellajagi bargguid ovddidit ja čalmmustahttit, muhto mus lea vuordámuš ahte ráđđehus ieš maid aktiivvalaččat bargá eamiálbmotgielaid seailluhemiin, dadjá sámediggepresideanta Aili Keskitalo.