NRK Meny
Normal

Ruhta valáštallanšilljui

Sámediggi ruhtada valáštallanšilju ásaheame Guovdageainnus.

Reinkappkjøring

Duottar Hearggit ásahit dál heargecrossašiljju ja njoarostanšilju Guovdageidnui.

Foto: Johan Ánte Utsi / NRK

Duottar Hearggit lea fidnen 400.000 kruvnna Sámedikkis hukset heargecrossašilju ja njoarostanšilju seamma báikái, čállá Ávvir.

Sámediggeráđđi Henrik Olsen lohká áviisii ahte heargegilvvohallan ja njoarosteapmi leat dat maid sáhttá gohčodit sámi valáštallamin, danne leat sii sámediggeráđis ilus go sáhttet hukset albma gilvošilju Guovdageidnui.

Gáhttet árbevieruid

Henrik Olsen lohká Ávvirii ahte man dehálaš Sámediggeráđđái lea loktet Guovdageainnus dán doaimma mii Duottar Hearggis lea, go lea erenoamáš.

- Valáštallama ja sámi kultuvrra gaskavuohta lea jáhkketmeahttun nanus justa heargegilvvohallama ja njoarosteame bokte, loahpaha Olsen.

Stuorra supmi

Duottar Hearggit jođiheaddji Aslak Sokki oaidná dál vejolašvuođa ollašuhttit sámi valáštallanpárkka plánaid.

- Dál go Sámediggi lea juolludan dien moađe ruđa, de lea searvvis vejolašvuohta gárvet sámi valáštallanpárkka nu go plánejuvvon ja mainna leat álgán, lohká Sokki áviisii Ságat.