– Vïenhtem RomsaDál lea hijven skraejriem Romsesne utnedh. Saemievæssjoehtimmie jïh saemieaassjoe leah gaajh sïejhme desnie, Jon-Richard Sommernes jeahta.
Dïhte jïjtje saemievæssjoehtimmiem staaresne Romsesne rååkehtalleme.
– Mænngan saemievæssjoehtimmiem dåårjrim manne vielie våårkehke sjïdteme tsagkesasse, Sommernes jeahta.
Ij daejrieh mejtie vielie våårkehke sjïdteme dannasinie tsagkese vielie vååjnesasse båeteme, jallh mejtie dan åvtetes jïjtje dam dåårji.
Guvvieh demonstrasjovneste saemievæssjoehtimmien vööste Båddådjosne.
Prosjekten ulmie lea positiviteetem geerjehtidh saemien gïelen, kultuvren jïh identiteeten bïjre Romsesne jïh dam saemien vielie våajnoes darjodh. Prosjekten mij eelki tsïengelen daan jaepien beetnehvierhtieh Saemiedigkeste åadtjoeji jïh Romsan gaasjelimmie siebrie (TIL) lea prosjekten aajhtere.
Elle Nystad prosjekteåejvine sjïdti njieljie askh. Bene gosse daah njieljie askh lin nåhkeme dellie prosjekten båetijen aejkien bïjre gaajkerdi.
– Mijjieh hijven illedahkh vuajname gosse jienebh meatan sjidtieh dam dåarjoehtidh, Nystad jeahta.
TromsKraften Bærekraftsfond viehkehte
Troms Kraft viehkiem åadtjoeji RomsaDáleste juktie gïelem jïh kutuvremaahtoem gïehtelimmesne evtiedidh.
Daelie Troms Kraft maahta bååstede vedtedh projektese.
Mænngan guejmieh soptsestalleme dah latjkajin RomsaDál galki vierhtieh åadtjodh Troms Kraften bærekraftsfondeste.
Daelie prosjekte maahta sov barkoem njieljie vielie askh jåerkedh, mïetsken minngiegietjien 2022 raajan.
–Daate lea laavenjostoe maam joekoen lyjhkebe. Mijjieh sïjhtebe saemien gïelem jïh kultuvrem nuhtjedh mijjien biejjieladtje gïehtelimmesne. Jïh daarpesjibie viehkiem jis edtjebe buektiethtidh, Stein-Gunnar Bondevik, gaskesadtemedirektööre Troms Kraftesne jeahta.
Vaajtele jeenebh meatan sjidtieh
Bondevik gegkiesti dah goh siebrie maehtebe njueniehkinie vaedtsedh jeatjah siebriej uvte regijovnesne.
– Ij leah naan fåantoe jienebh sïelth, siebrieh jïh byjjes etaath eah edtjh seammalaakan darjodh, men dellie viehkiem daarpesjiebe. Dam viehkiem RomsaDál mijjese vadta, Bondevik jeahta.
RomsaDál prosjekteåejvien mietie, edtjieh prosjekten barkoem jåerkedh numhtie leah dorjeme doh minngemes askh. Jih håhkesje vielie barkoe båata.
– Håhkesjem jienebh meatan sjïdtieh jïh gaskesem vaalta RomsaDáline jïjtse vieltien. Dan jïenebh almetjh mah meatan sjidtieh dan stuerebe jarkelimmie sjædta, Nystad jeahta.