NRK Meny
Normal

Romána sápmelaččaid eallimis

Maren Uthauga romána «Sånn ble de» mas sápmelaččat leat oalle duolvas ja oanehis-jierpmagat, dat lea dál almmustuvvan sámegillii namain «Nu dat lei».

Maren Uthaug

Maren Uthaug lea čállán girjji 'Sånn ble det'. Das lea sáhka sápmelaččain. Ieš lea maid sámi sogalaš, muhto ássá Dánmárkkus. Dál lea su girji jorgaluvvon sámegillii.

Foto: Øyvind Øvergård / NRK

Maren Uthaug girji

Maren Uthaug girji 'Nu dat lei', mii lea jorgaluvvon sámegillii girjjis 'Sånn ble det'

Foto: ČálliidLágádus/ ForfatternesForlag

Maren Uthaug lea čállán romána mas muitala sápmelaččain, sin eallimis ja makkárát sii leat, girjji namma lea "Sånn ble det". Girji lea dál jorgaluvvon sámegillii, namma lea «Nu dat lei». Girjji lea ČálliidLágádus jorgalahttán ja almmustahttán sámegillii.

Girjjis sáhka sápmelaččain

Girjjis čállá Uthaug muhtin bearrašis, mas lea sáhka dáža albmás gii lea náitalan sápmelaš nissoniin. Dát nisu orru leamen oalle ártegis ja imašlaš sámi nisu. Dál lea dán girjji vejolaš lohkat sámegillii.

Sisdoalus lea dás sáhkan

Čálli lea ráhkadan muitalusa man dáhpáhusat leat sihke Sámis ja Danmárkkus. Risten áhčči, Knut, váldá nieiddas mielde go fárre Dánmarkui. Doppe son šaddá bajás áhčis luhtte. Mánnávuođa muittut, erenoamážit áhku rávvagat ja sámi muitalusat, leat su čuvvon bajásšattadettiin ja ivdnen su árgabeaivvi. Muhto ođđa báikkis ii sáhtán leat Risten, muhto Kirsten. Ii dattege šaddan gal "albma" dánskalažžan. Ollesolmmožin vuolgá de eatnis galledit.

ČálliidLágádus čállá maid ahte Romána eahpitkeahttá buktá ođđa fuomášumiid sápmelaččaid identitehta "digaštallamii".