Røkke fitnodat rihkkon lága
Guokte trålafatnasa mat gullet Kjell Inge Røkke Havfisk fitnodahkii leat rihkkon nu gohčoduvvon leveringsplikt njuolggadusaid eai ge leat 2011:s buktán guliid gáddái guollefabrihkaide, nugo galget.
Stáhta lea mearridan ráŋggáštit fatnasiid guovtte vahku bivdogildosiin. Ráŋggáštus lea mealgat unnitgo dan maid Guolástusdirektoráhtta evttohii, muhto sivas go eiseválddit leat ádjánan nu guhkká meannudeames fitnodaga guoddaleami, de lea Ealáhus- ja guolástusdepartemeanta vuolidan ránggáštumi.
Direktoráhtta lei evttohan čieža mánnui gieldit fatnasiid oasálastimis dorskebivddus.