Roavva veahkaválddálašvuohta

Unnimusat golbma olbmo leat roasmmehuvvan Likšus, Davvi-Ruoŧas, go galgá dáhpáhuvvan roavva veahkaválddálašvuohta, nu gohčodit Ruoŧa politiijat dáhpáhusa. Ovtta olbmo leat váldán gitta. Ruoŧa TV4 dieđiha ahte vearredahkki galgá geavahan ákšu ja bargoreaiddu mainna gaiku omd seinniid. Sihke mánát ja ollesolbmot galget roasmmehuvvan. Politiijat eai áiggo kommenteret makkár veahkaválddálašvuohta galgá dáhpáhuvvan.

Korte nyheter

  • Maŋidit vuohon duodjemárkaniid

    Guovdageainnus lávejit lágiduvvot stuora duodjemárkanat jahkásaččat ovdal juovllaid. Dál dieđihit lágideaddjit ahte koronadávdda leavvama dihte de maŋidit márkaniid njukčamánnui, nu čállet lágideaddjit sin Facebook-siiddus.

    Duodjimarked i Kautokeino
    Foto: Berit Solveig Gaup / NRK
  • Moitet bušeahtavuoruhemiid

    Nordkalottfolket (NKF) bellodaga jođiheaddji Toril Bakken Kåven moaitá Norgga Sámiid Riikasearvvi (NSR) go lea bušeahttaevttohusas evttohan lasihit ruđa politihkkariidda. NKF oaivvilda ahte livčče galgat baicca eará doaimmaide atnit ruđa ja lohka áigut ráhkadit alternatiivva bušeahttaevttohusa. Bargiidbellodaga Ronny Wilhelmsen oaivvilda ges ahte ruđain ledje galgat nannet earet eará sámegielat doaimmaid ja buohccedivššároahpu. Loga eanet.

  • Riddu Riđus doalut

    Riddu Riđu lea ráhkkanišgoahtán boahtte gease doaluide sámi lágidemiiguin sihke Olmmáivákkis ja Romssas. Katarina Barruk, stand up šovva Reaškkas ja juovlakonsearta Kajsa Baltoin, dan fállet ovdal juovllaid. Boahttevahkkus besset olbmot Olmmáivákkis vásihit Katarina Barruka ja su joavkku.

    Katarina Barruk
    Foto: NRK