NRK Meny

Roasmmohuvai skohterlihkuhisvuođas

20-jahkásaš nisu roasmmohuvai ikte vuojedettiin skohteriin. Dáhpáhus geavai lahka Mihkkalvári Suoidneleavššis Álttá suohkanis. Lei joavku geat gávdne su ja dieđihedje politiijaide. Nissona doalvvui gádjunhelikopter Hámmárfestii. Ja politiijat eai dieđe mii lea sivvan lihkohisvuhtii dahje man bahut nisu lea roasmmohuvvan.