Rihkku njuolggadusaid

Bargiidbellodaga sámediggejoavkku jođiheaddji Willy Ørnebakk rihkku njuolggadusaid maid ieš leamašan fárus dohkkeheamen.

Willy Ørnebakk
Foto: Sara Beate Eira / NRK

Golmma maŋimuš jagi ii leat sádden mátkerehkegiid Sámediggái, ja gáibádus lea ahte dáid galggašii sáddet mánu maŋŋá mátki. Ies Ørnebakk, ii loga dan vuoruhan go lea olles áigge leamašan nu hoahppu.

Njuolggadusain boahta čielgasit ovdan ahte sámedikkeairasat galggašedje deavdit matkerehkegiid nu jođanit go vejolaš. Ii leat vel čielggas man olu ruđas dat lea sáhka.

Čoahkkinjođiheaddji Jarle Jonassen, duođasta ahte Ørnebakk rihkku njuolggadusaid.

-Son rihkku njuolggadusaid maid sámediggi lea dohkkehan.

Maiddai 2006as dieđihiii sámediggi Ørnebakkii, ahte rihkku njuolggadusai matkerehkegiid oktavuođas. Ii dalle ge lean son moatti jahkkái sádden daid sámediggai.

Danin jearrat sus leago váttis áddet njuolggadusai maid ieš lea mielde leamašan dohkkeheamen?

- Ii leat vattis áddet njuolggadusaid. Muhto son lea leamašan sealggeheapme.