Juohke jagi válljejit Riddu Riđđu riemut jagi nuorra dáiddára. Dán jagi olahii Inga-Wiktoria Påve (25) dán.
Son lea bajásšaddan boazosámi bearrášis Látteváráris, Girona suohkanis Ruoŧas.
Politihkalaš vuostildeapmi
Máŋgga su govas oaidnit politihkalaš vuostildeami mii dáhpáhuvva servodagas, ja muđui mii dáhpahuvvá sámi servodagas.
Odne beasái son duođái čalmmusduhttit dáidagis Riddu Riđđu riemuin.
Påve oaččui skeaŋkkaža Riddu Riđđu rimuin, ja Seastinbáŋku 1 Davvi-Norggas kulturealáhusvuođđudusas ges 25.000 ruvdnosaš stipeandda odne ovdalgaskabeaivvi Davvi Álbmogiid guovddážis, Olmmáivákkis.
Påve ii muital vuos masa áigu geavahit stipeandda.
Čalmmustahtii iežas dáidága ja jurdagiid girjerádjosis
Odne beasái Inga-Wiktoria Påve muitalit eanet iežas duogáža ja dáidaga birra Davvi Álbmogiid guovddáža girjerádjosis.
Påve muitala ahte ahte su siellu ii beasa ráfis, jus son ii doaimmat iežas dáiddábarggu, ja ferte álo bargat juoga maid.