Hálidivččii Björk Riddu Riđđui

Riddu Riđu ođđa festiválajođiheaddji sávašii oažžut máilmmenásttiid nugo islándalaš Björk eamiálálbmotriemuide Olmmáivággái.

Björk på Glastonbury 07
Foto: JON SUPER / AP

Dán vahkkoloahpa válljii Riddu Riđu jahkečoahkkin omasvuotnalačča Ragnhild Dalheim Eriksena ođđa festiválajođiheaddjin. Eriksen lea 24 jagi ja lea bivttashábmejeaddji. Ođđa jođiheaddji hálidivččii máilmmenásttiid bovdet eamiálbmot festiválii Riddu Riđđui, mii lea juohke geasi Gáivuonas. Ođđa jođiheaddji háliidivččii maid eanet vuoruhit nuoraid dáiddalašvuođa.

Máilmmenásttit

Ragnhild Dalheim Eriksen
Foto: Espen Sandberg

- Hálidivččen duođaid ražistit vai fidnešeimmet máilmmenásttiid main lea eamiálbmot perspektiivva. Dat lea midjiide stuorra mihttomearri boahtteáigái. Maid dajašit jus oaččošeimmet Björk dahje sullasaš mearihis stuorra nama Olmmáivággái? Dat livččii munnje deg stuorra niehku, muhto mannet gal vissásit máŋga jagi vel ovdalgo suittašeimmet dán ollašuhttit, lohká Ragnhild Dalheim Eriksen.

- Buot lea vejolaš

- Dán galggašii gal leat vejolaš boahttevuođas ollašuhttit. Buot lea vejolaš. Riddu Riđđu lea nu erenoamáš festivála, ahte danne jáhkán visot vejolažžan dáinna festiválain, jus mii vuos speallat koarttaideamet rivttes vuogi mielde. Nu árvala movttegis ođđa festiválajođiheaddji.

Ragnhild Dalheim Eriksen lohpida ahte boahtte geasi Riddu Riđđui jo galget boahtit ođđa nuorra sihke eamiálbmot ja sámi čeahpit.

Gula Ragnhild Dalheim Eriksen jearahallama