Riŋge jus váivašuvat

Norggas lea dál goalmmát jahki go heahtetelefovdna lea gávdnamis boarrásiidde geat vásihit veahkaválddálašvuođa ruovttus dahje fuolahusdáluin.

Illustrasjonsbilde av telefon

Illustrašuvdnagovva

Foto: Laurence Mouton / 6PA/MAXPPP

Ášši doaimmaha Ánne Olli

Dát heahtetelefovdna lea ásahuvvon buohkaid várás geat leat badjel 62 jagi boarrásat. Dađe bahábut ii leat vel dákkáraš fálaldat sámegillii, lohká
dán heahtetelefovnna prošeaktajođiheaddji Kristin Bye Adeler.

Heahtetelefovdna nummir lea 800 30 196, dát lea fálaldat boarrásiidda geat leat badjel 62 jagi.

Dahje čále e-poastta čujuhussii vern-for-eldre@sby.oslo.kommune.no

Dárustit ferte jos riŋge dien nummirii

Veahkketelfovnna prošeaktajođiheaddji muitala fálaldaga leat riikkaviidosažžan, dasa sáhttet ringet vaikke gos Norggas, muho dađibahábut de ii leat sámegillii gal vejolaš háleštit jos riŋge veahkkenummirii.

Muhto dása ii ábut riŋget jos ii máhte dárogiela, go son ii loga alddiineaset leat fálaldat sámegillii. Ii loga iežaset vel olahan dobbelii, ja diehtalasat dáidá sámi álbmot vuot ain dovdat iežas vajálduvvon dahje vel vealahuvvangego sidjiide eai leat ába jurdilange fálaldaga.

Ohcan buot gielddain oktavuohta-guoimmi

Kristin Bye Adeler lohká gal iežaset váldán oktavuođa buot gielddain Norggas, ja bivdan sis nama geainna sii de sáhtašedje váldit oktavuođa dan gielddas jos gii nu sin gielddas ri¨ge sidjiide ja dárbbaša veahkki. Muhto son ii loga ovttage gieldda namuhange ahte galggašii sámegillii fálaldat. Son danne navdá ahte eanáš sámit ásset davvi Norggas.

Son hirpmástuvvá go gullá ahte Oslos ásset eanet sápmelaččat go gielddain davvin. Dien ii diehtán son, muhto ii sis gal leat Oslo sámiidege fálaldat,

Riŋge jos dárbbašat háleštit

Mobiltelefon

Mobiltelefuvdna

Foto: Arnstein Jensen

Dát heahtetelefovdna mas dás lea sáhka, dát lea ásahuvvon boarrásiidda geat leat badjel 62 jagi. Ja dása sáhttet boarrásat ringet jos dovdet iežaset givssiduvvon psykalaččat dahje fysalaččat:

Bye Adeler muitala eanemusat dakkárii riŋget geat vásihit veahkaválddálašvuođa ruovttuin, muhto sidjiide maid riŋgejit boarrásat geat dovdet veahkaváldima iežaset vuostá, nugo mat institušuvnnain dahje almmolaš veahkkeaparahtas.

Dávjjimusat gal riŋgejit boarrásat geat ruovttuin ásset, dakkárat geain leat mánát, geat leat ollesolbmot, muhto dattetge orrot ruovttuin, nugo bártnit, nieiddat, muhto máiddái isit sáhttá isit dahje eamit givssidit boarrása.

Bártnit ollesolbmo agis eamemus giksin boarrásii

Son muitalal dávjá leat bártniid, muhto máiddái nieiddaid geat givssidit boares vánhemiid, nugo mat psykalččat dahje ekonomalaččat, ja geavvá vel nuge ahte boarrásat maid huškohallet iežaset mánáide, ja vel isidiige.

Danne lea ásahuvvon boarrásiidda veahkketelefovdna man nummir lea
800 30 196, dien telefovdnii riŋge nuvttá, muhto dál ii leat gal vel sámegillii vejolaš singuin háleštit.


Dát fovdna lea riikkavidosaš, riŋge diesa jos heađástuvat.

Dahje čále e-poastta čujuhussii vern-for-eldre@sby.oslo.kommune.no

Korte nyheter

  • Buozalmasvuođajávkamat lassánan

    Norggas eai leat logi jahkái jávkan barggus buozalmasvuođa geažil nu olu go dál. Maŋimuš jahkebealis lei buozalmasvuođajávkan Norggas leamaš 6,6 prosentta. Ná alla logut ledje maŋimuš 2009:s goas lei spiidneinfluenssa. Eanemusat jávke olbmot barggus buozalmasvuođa geažil Davvi-Norgga davimus fylkkain. Statistihka guovddášdoaimmahaga loguid mielde iešdieđihuvvon buozalmasvuođajávkamat lassánedje 26.3 prosenttain.

    Sykmelding
    Foto: Ola A. Thorset / Scanpix
  • Pro Finlandia Helanderii

    Sámi dáiddár Márja Helander oažžu Suoma presideantta Pro Finlandia-medállja. Helander lea vuosttas sámi dáiddár gii oažžu dán gudnemearkka. Son lea dovddus govva- ja filbmadáiddár. Su oanehisfilbma Eatnanvuloš lottit bálkkašuvvui máŋgga riikkaidgaskasaš filbmafestiválas. Pro Finlandia lea 1945 rájes addon girječálliide ja dáiddáriidda. Dán jagi dan ožžot logi dáiddára ja girječálli. Nu čállá YLE Sápmi.

    Marja Helander
    Foto: Kari Sara
  • RomsaDál čievččastuvvo johtui

    Odne čievččastuvvo johtui RomsaDál, man ulbmil lea ovddidit sámevuođa Romssa gávpogis ja čájehit vuostemiela rasismii. Áŋgiruššama duogábealde leat earret eará Romssa valáštallansearvi (TIL), Romssa ja Finnmárkku spábbačiekčanbiire, Romssa gielda ja máŋga eará searvvi. Prošeaktajođiheaddjin lea virgáduvvon Elle Nystad.TIL servodatoktavuohta Tom Høgli ovttastahttá bargguid.