Rehketdoalluváilivuođat
Oahpahusdirektoráhtta lea badjelaš vahku áigi reivve bakte dieđihan Sámi Dáiddaskuvlii ahte sii dollet ruovttoluotta stáhtadoarjaga danin go skuvla ii leat sádden rehketdoallodárkkistanraporta ovdal 2016 geassemánu 1.beaivvi nu go galge. Oahpahusdirektoráhtta čállá ahte sii eai leat ožžon dievaslaš rehketdoalu 2015 doaibmajagi ovddas danin go dárkkistanraporta váilu. Oahpahusdirektoráhtta dieđiha reivve Dáiddaskuvlii ahte sii dollet stáhtadoarjaga 2016 borgemánu rájes, jus skuvla ii geargga sáddet váilevaš raportta ovdal suoidnemánu 25.beaivvi.