Korte nyheter
-
Elle Sofe Sara vuoitá kulturbálkkášumi
Koreográfa, filbmadahkki ja dáiddár Elle Sofe Sara vuoitá 500.000 ruvnnu Telenor kulturbálkkášumis.
Bálkkášupmi juhkojuvvo jahkásaččat erenoamaš dáidda- dahje kultuvraovdanbuktima ovddas.
Ávvir dieđihii ođđasa vuos.
Foto: Wenche Marie Hætta / Nrk -
Barents Observer: Ovddeš Wagner-soalddát iskkai máhcat Ruššii
Bearjadaga eahket NRK muitalii ahte almmái lea váldon giddagassii maŋŋá go galgá leat iskan rasttildit rájá Mátta-Várjjagis.
Lávvardaga čállá The Barents Observer ahte lei ovddeš Wagner-soalddát Andrej Medvedev gii lea váldon gitta.
27-jahkásaš Medvedev lei deaivan Barents Observer-journalistta moadde diimmu ovdal go váldoi gitta, ja muitalii ahte son áigu rájá rasttildit.
– Čilgii ahte son boahtá sáddejuvvot Ukrainai fas farga, ja ahte de lea buoret sunnje fas máhcat Ruššii go dohko sáddejuvvot, čállá aviisa.
-
Gáhta Girkonjárggas gohčoduvvo «John Savios plass»
Aviisa Ságat árvalii jo 2020:s gohčodit gáhta Girkonjárgga guovddážis «John Savis plass».
Ikte ledje ge rahpandoalut Girkonjárggas, go John Savios plass almmolaččat rabai.
John Savio lei dáiddár gii lei Mátta-Várjjagis eret, ja rahkadii dáidaga mii lei čielgasit inspirerejuvvon Mátta-Várjjaga luonddus ja Sámi albmá eallimis.
Foto: Saviomuseet
