Reforbma buorida politiijabálvalusa
Lagaspolitiijareforbma buorida politiijabálvalusa miehtá Fylkka. Dan oaivvilda justiisaministtar Anders Anundsen. Láhpi guovllupolitihkkár Ernst Berge oaivvilda go heaittihit leansmánnekantuvrra gielddas, de dat dagaha unnit dorvvu olbmuid gaskii jos fáhkka dáhpáhuvvá juoga. Muhto Finnmárkkus devdet buot gáibádusaid lohká justiisaministtar, ja ahte sáhttet geavvat dáhpáhusat goas politiijat ádjánit veahá guhkit ovdal go jovdet dáhpáhusbáikái.