Maiddái dálá gávpotguovddáža vuosttaš skuvla ásahuvvui sápmelaččaid várás jo 1720. Dál čalmmustahttá Rana gielda iežas sámi historjjá, go Sámi Girkobeaivvit lágiduvvojit Muoffis.
Rana gieldda diehtojuohkinhoavda, Geir Gisnås, lohká ráhkadan sierra girjjáža guovllu sápmelašvuođa birra.
Guorrá máŋggaid duhát jagiid maŋás
Rána sámi historjá guorrá máŋggaid duhát jagiid maŋás, ja gihppagis čuožžu ge sihke girku ja skuvlla birra maid Thomas von Westen áŋgirušai sápmelaččaid váras.
Muitaluvvo maid Dunndarvuomi lihkohisvuođa birra, movt sápmelaččat ásse Ranas 1700 logus, ja Anna Thomasdottera birra, gean muitalusat sápmelaččaid birra lea čállon girkogirjjiide.
Čalmmustahttit guovllu sámi historjjá
Rana gielda háliida Sámi girkobeivviid oktavuođas čalmmustahttit guovllu sámi historjjá, mii lea čiegaduvvon maŋemus čuđiid jagiid.
Ja boahtte lávki leat lullisámegillii geaidnogalbbat, lohká Rana gieldda diehtojuohkinhoavda, Geir Gisnås.