- Oassi journalisttalaš barggus lea báidnon intelektuealla láikivuođas. Mii njávkat miehtegulgii buot mii leš sámi, juoga mii lea šaddan dáhpin jo 1970-vuođđalogus, dallego lei mávssolaš doarjut sámi giela ja kultuvrra. Dan lohká Nordlys áviissa váldodoaimmaheaddji Hans Kristian Amundsen NRK Kulturnyttii.
- Eai duostta cuiggodit
Norgga journalisttat ballet dahkamis juoga boastut jovkkožiidda mat rahčet. Amundsen navdá dán báidnit dan vuogi mo eai-sápmelaš mediat čállet sámi dáidaga birra.
- Sihkkarvuođa dihtii čállet čábbát Beaivváš Sámi Teáhtera birra. Juohke gii mii almmuhuvvo oažžu maid rámi, dušše dannego dat ilbmá, iige dannego dat doallá dan alla dási maid galggašii, dieđiha Amundesen. Son lea ieš sápmelaš ja lea bajásšaddan Skuvvanváris Porsáŋggus.
Rámidit duššiid dihtii
Amundsen mielas álkit šaddá nu, ahte dáiddárat mat eai doala nu alla dási rámiduvvojit duššiid dihtii.
- Bajimusas sámi kultuvrra násteilmmis báittašit Mari Boine, Transjoik ja Adjágas; máŋggas leat dollet alla dási. Liikká gávnnat sámekultuvrras, seamámgo dagat eará giellajoavkkuid gaskkasge, soapmásat geat leat gaskamearálaččat. Ja dan ahte bajidit dáid ja gohčodit sin čeahppin - dan eat berrešivčče dahkat, lohká Amundsen.