NRK Meny

Ráidovuodjimat ollu guovlluin

Neavrres dálkki geažil leat dál ollu guovlluin Finnmárkkus ráidovuodjimat nugo Idjavuonduoddara ja Máhkirčearu badjel ja maiddái Juovlajoga ja Strommavuona gaskka. Čorgasis lea ráidovuodjin geainnus mii manná Gilevutnii, ja maiddá Beahkkirvuona ja Donjevuona gaskka ja Finnmárkugeainnus 889 Muorralis Ávanuorrái. Sállamis lea geaidnu gitta. Riikkageaidnu 94 Fálás, Saragammena buohta lea dál rahppon, maŋŋá go stuorra vuoján lei gidden geainnu maŋgga diibmui. Fearga maid ii vuolgge Ákšovuonas.