NRK Meny

Rahpet ođđa gálvoruvttu

Leavnnjas Porsáŋggus lea boahtte maŋŋebárgga stuorra ávvu go fievrridanfitnodat DHL almmolaččat rahpá gálvoruvttu Leavnnja ja Oslo gaskka. DHL lea okta máilmme stuorámus fievrridanfitnodagain ja fitnodaga Eurohpá direktevra, Henk Venema, oassálastá ieš rahpamis. Gálvoruvttus galget earret eará fievrriduvvot mearraborramušat Davve-Norggas muđui máilbmái.