NRK Meny
Normal

Ráhkkanahttet čiŋaid basiide

Beassášbasiide lea oalle hušša, go dassážii galget silbbat ja gollit čuovgat, ja muđuide beassášgárvvut gárvánit. Silbarávdebargi Karen Magga Guttorm gárvvista solju basiide.

Karen Magga Guttorm

Karen Magga Guttorm

Foto: Anne Olli

Silbbat

Silbbat

Foto: Anne Olli

Buot silbarávddiin guovddáš sámi báikkiin leat olu barggut ovdalaš beassášbasiid. Go sámit leat oalle čikŋás olbmot. Eanáš oassi rihppaskuvllaohppiin čiŋadit gávttiin ja de galgetge leat silbbat maid, nugo soljut ja roahkkit.

Sii čuovggáhallet seamma go sin vánhemat ja guossit, go beassášbasiid dat gal sámit čiŋadit oalle olu. Árbevirolaččat lohká duodjegávpeeaiggát Inga Porsanger Kárášjohkalaččaid čiŋadit beassážiid.

Galssohiid ja čázehiid ii sáhte coggat

Dál lea juo suddadisgoahtán muohttaga ja ii dáidde leat šat gámá dahje nuvttot- siivu, muhto Inga Porsanger gal diehtá ahte muhtimat leat ráhkkaneamen galssohiiguin čiŋadat.

Čázet

Čázet

Foto: Anne Olli

Vaikke dal juo leašge suddadišgoahtán muohttaga, de dáidet rihppaskuvllaoahppit čikŋalit vel galssohiiguin ja nuhtohiiguin, jos dal vel leašge štánži dál Sámis.