NRK Meny

Raddedávda Lofuohtas

Vuogát sátnejođiheaddji Eivind Holst sihtá olgoriikalaččaiddirektoráhta dahje UDI, rievdadit iežas bargovuogádaga. Okta olmmoš geas lea geahpesdávda dahjege tuberkulosa lea boahtán gildii vaikko UDI dáhkidii ahte buohkat leat iskkahuvvon dán dávdda dáfus. Dan čállá Lofotposten -aviisa. Davvi-Norgga UDI direktevra Bjørn Fridfeldt lohká aviisii ahte go nu ollu dorvoohccit bohtet Norgii, de sáhttá geavvat ahte muhtimat sáddejuvvojit viidáseappot iskkakeahttá leat go sis makkárge dávddat. Muhto dalle galget dát iskojuvvot lagamus buohcciviesus ovdalgo 14 beaivvi leat mannan.