Fylhkeålman båatsoegoevtese Åarjel-Trøndelaagesne aalkeme soejkesjidh guktie edtja daam raaste boerovem Nøørjen jih Sveerjen gaskem jåarhkedh. Daate raaste-boerove edtjieh heerrestidh olles bovtse raasten dåaran bïevle- tijjen velkedh. Daan biejjien dihte raaste-boerove orrije åarjelen Hyddsjøen, Tydaelien tjïeltesne.
Dihte raaste-boerove edtja aelkedh noerhtelen Hyddsjøen raasten mietie noerhtese juhtedh daan Skardøran gåajka. Daate raaste-boerove edtja daan vaarjelimmie daajven tjirrh juhtedh ,Skardsfjella- Hyllingsdalen. Daate jåarhke boerove sjædta 10-15 km guhkies.
Gåebrien sijten åvtehke Knut Tørresdal, jahta NRK Trøndelaagese, tuhtjie daerpies daam raaste-boerovem jåarhkedh jih tseekedh.
– Im daejrieh, mannasinie ij naan boerovem dagkoe aerebistie tseekeme, gosse daam raaste-boerovem sveerjen vuestie tseekin. Vuejnebe daerpies leah. Jijnjh bovtsh sijhtieh raasten dåaran velkiehtidh.
Daelvie gåatomem Nøørjesne milkedh.
Tørresdal tuhtjie nåakemes gosse gåatomes laantem milkieh.
– Dah minngemes jaepieh dellie jijnje bovtse Sveerjeste, mijjiene masteme. Dellie gåatomes laante milkieh, jeahta Tørresdal.
Tsïjreme Sïjteh gaskem.
Fylhkeålman båatsoegoevtese stravva, tsijreme maahta dah sïjteh gaskem sjidtedh. Dellie daerpies buektiedibie daam raaste-boerovem tseekedh. Vihkeles aaj tjåanghkanidh jih raarastalledh dah sijteh gaskem Handølsdalen jih Mittådalen sijteh Sveerjesne jih Gåebrien sijte Nøørjesne. Tjoeveribie aaj raarastalledh gogka daate boerove edtja juhtedh. Dah myndighet tjoeverieh laatjkanidh, gie miej edtja dam maeksedh, eannan daam boerovem maehtebe tseekedh. Mijjien ulmie lea, daam raaste-boerovem mubpien geasan tseekeme, tjaala Fylhkeålman båatsoegoevtese.
Daam bievnesem Fylhkeålman båatsoegoevtese seedteme Nøørjen Laanteburrie-jih beabpmoe Departemeentese.