Suorttáin Nordlánddas besset olbmot oahppat sámegiela duddjodettiin. Juohke duorastaga čoahkkanit Viesttarrállá sápmelaččat dudjot ja veahá hállat sámegiela. Sámi mánát ja nuorat maid fargga besset deaivvadit ja oahpahallat sámegiela Báru giellabáikkis, go dál leat ožžon bistevaš ruhtadeami Sámedikkis.
Geahča ášši otná TV-ođđasiin:
Stuorradikki eanetlohku ii čuovvulan evttohusa dáhttut ráđđehusa rievdadit dálá ortnega mii addá fitnodagaide lobi huksegoahtit boazodoalloeatnamiin, ovdalgo ášši lea riekteásahusain loahpalaččat čielggaduvvon.
Rukses bellodat, Ruonábellodat (MDG) ja Sosialisttalaš gurutbellodat dat ledje ovddidan evttohusa, eastadan dihte lasi Fovse-áššiid.
Go áššis jienastedje otne, de dorjo evttohusa dušše dat bellodagat mat ovddidedje evttohusa, 15 jiena 86 jiena vuostá.
Stuorradikki digaštallamis áššis logai Oljo- ja energiijaministtar, Terje Aasland, dálá ortnega doaibmat bures.
– Ortnet mii dál lea ekspropriašuvnnaid oktavuođas, gos lea vejolaš addit huksenlobi ovdalgo ášši lea ollásit čielggaduvvon, lea máŋgalogi jagi doaibman bures. Dát sihkkarastá buorre jođu stuorát huksemiin mat leat dehálačča servvodahkii, logai Aasland.
Láhkarievdadus guoská plána- ja huksenláhkii ja ulbmil rievdadusain lea addit gielddaide Norggas eanet iešmearrideami bieggafápmu huksemiin Norggas.
Finnmárkulaš ja bargiidbellodaga stuorradiggeáirras Marianne Sivertsen Næss logai iežas sáhkavuorus ahte dáinna láhkarievdadusain lea dehálaš ja vejolaš eastadit lasi Fovse-áššiid.
Son deattuhii ahte gielddat maid leat geatnegahtton váldit vuhtii boazodoalu beroštumiid jos ođđa bieggafápmu industriija áigot ásahit guovlluin gos maid lea boazodoallu.
.
På Sortland i Nordland tilbys opplæring i samisk språk gjennom duodji. På Bárru språksenter samles samiske barn, unge og voksne hver torsdag for å lære samisk og produsere duodji.
Språksenteret har nå fått fast bevilgning fra Sametinget, og tilbyr aktiviteter som duodji og språkkafé. Målet er å styrke samisk språk og kultur blant samiske innbyggere i Vesterålen.
Interessen er stor, og deltakerne nyter å lære og skape sammen. Bárru språksenter legger også til rette for barna og planlegger aktiviteter som lek og ungdomstreff med fokus på samisk språk. Tilbudet oppfordrer flere til å delta og gir en morsom og lærerik opplevelse.
Se mer på Ođđasat.
