Ann-Kristin Rande muitala iežas ráhkadan gođđinbagadusa Porsáŋggu ullobáidái. Dat lea golmma sturrodagas, mánábáidái ii leat vel gárvánan bagadus, muhto lohká dan leat gárváneamen. Porsáŋggu fáhccaminstaris son hápmii ullobáidái minstara. Álggos álggi son vuos gahpiriidda gođđit fáhccaminstara, muhto de fuomášii ahte son dat gal ráhkada maid ullobáidái minstara, seamma mintara mii porsáŋggufáhcain lea.
Čeabetgođa čikŋan maid
Son lea maid hápmen čeabetgođđaga, das lea maid porsáŋggu-fáhccá minsttar vuođđun. Dasage lea ráhkadan minstara. Ja čeabetgođđagiidda lea bidjen silbarppuid, de dáid sáhttá sihke bivvun ja čikŋan geavahit.
Dál lea ullobáiddiid ja čeabetgođđagiid vejolaš oaidnit Leavnna girjerádjosis.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.