NRK Meny
Normal

Porsáŋggu sátnejođiheaddji lea sápmelaš

Porsáŋggu sátnejođiheaddji Aina Borch, gii lea eret Ávanuoris Muosát gielddas, muitala ahte sus lea sámi duogáš. Su áhkku ja eará lagaš fuolkkit ledje ja leat sápmelaččat muhto dán birra ii leamaš su bearrašis goassige sáhka.

Aina Borch

Aina Borch

Foto: Arne Ivar Johnsen

Porsáŋggu gieldda sátnejođiheaddji Aina Borch lea riegádan ja bajásšaddan Ávanuoris Muosát gielddas. Stuorát dáhpáhusaid oktavuođas son geavaha gávtti ja dainna son čevllohallá. Gávttiin son maid beassá čájehit iežas sámi duogáža.

Aina Borch

Aina Borch Gonagasa ánsomedálja juohkimis Leavnnjas

Foto: Arne Ivar Johnsen / Nrk

Moalkás geaidnu sámi jienastuslohkui

Aina lea mielde sámi jienastuslogus, muhto sutnje dát leamašan oalle guhkes proseassa dohkkehit dan. Dán proseassas lea son eahpidan iežas sámevuođa, ja go son gávnnahii ahte ii lean doarvái ollu sápmelaš, de son celkkii iežas eret sámi jienastuslogus. Jurdagat manne duohkut deike dassážii go fas mearridii ohcat sámi jienastuslohkui gos son dál ain lea mielde.

Anne-Laila Sommerseth, Aina Borch

Aina Borch ja Anne-Laila Sommerseth Sámi álbmotbeaivvi doaluin Leavnnjas

Foto: Arne Ivar Johnsen

Ii duddjo buriid doallat sámi gullevašvuođa čihk osis

Porsáŋggu sátnejođiheaddji Aina Borch muitala ahte leat iežas váhnemat geat leaba mearridan doallat dán beali čihkosis.

- Ii dat goit duddjo makkárge buriid doallat dákkár áššiid čihkosis danin go dat han guoská olbmo identitehtii, lohká son.