Pornografiija váikkuha veahkaváldái
Aotearoalaš dearvvašvuođabargi dadjá ahte pornografiija váikkuha veahkaválddálašvuhtii sin servvodagas. Russell Waetford lea badjel 20 jagi bargan veahkaválddálaš olbmuiguin ja dadjá ahte dássážii servvodat lea beare unnán beroštan das ahte pornografiija lea okta dain sivain mii lasiha veahkaválddi. Pornohub neahttabáikki logut čájehit ahte 23 milliardda olbmo finadedje sin neahttabáikkis diibmá. Ja Aotearoa lea dan 10 riikka searvvis olles máilmmis gos eanemus olbmo finadedje dien neahttabáikkis. (Maori TV)