Porsáŋgguservodahkii ferte unnimusat 400 milliuvnna ruvnnu juolluduvvot maŋŋil go suodjalus geahpedii doaimmaid Iŋggášguolbanis.
Dasa lassin ferte stáhta veahkkin oččodit ođđa bargosajiid gildii, nu oaivvilda Finnmárku fylkasátnejođiheaddji Runar Sjåstad.
Olbmot fárrejit
Jus olbmot mearridit fárret, de ii leat nu álki sin máhcahit ruovttoluotta, danin fertejit doaibmabijut álggahuvvot farggamusat, lohká Sjåstad.
Suodjalusas ledje 1992 masá 400 suodjalus njunnoža ja eará sivilabargi, dasa lassin ledje lagabui 900 soalddáha Iŋggášguolbanis.
Muhto dan rájes lea suodjalus unnidan doaimmaid, ja dál eai galgga go hárjehallamat dáhpáhuvvot Iŋggášguolbanis.
Dušše sullii 60 bargosaji báhcet ovta Europa buoremus báhčit ja hárjehallan báikái.
Ahte gielda lean dán dillái gártan ii leat dušše sin sivva, muhto maiddái stuorra servodaga, lohká fylkasátnejođiheaddji Sjåstad.
Rahča
Seammás go soadjalus lea unnidan doaimmaid, de rahča Porsáŋgu gielda ekonomálaččat eará áššiid dihte maid. Golbma njealljádas oassi gielddas lea ráfáiduhtton, geavahuvvo báhčinšilljun dahje lea mearriduvvon geavahuvvot dihto doaimmaide. Dál bággehuvvo gielda unnidit fálaldagaid.
Porsáŋggu sátnejođiheaddji Mona Skanke dáhtu odne heahtečoahkkima stáhtaministtarin.Son dovdá ahte sii eai nagot čoavdit ekonomálaš váttisvuođaid veahki haga
