NRK Meny
Normal

Reivve ráđđehussi

Lea ráđđehusa duohken heaittuhuvvojit go Poršáŋggu giliskuvllat, lohká NSR parlamentáralašjođiheaddji.

Willy Ørnebakk (f.v.), Aili Keskitalo og Egil Olli.
Foto: Eilif Aslaksen / NRK

Sámedikki joavkojođiheaddjit leat sádden reivve stáhtaministtarii muittuhandihte sáme- ja kveanagielat gielddaid ekonomija ja giliskuvllaid dili birra.

NSR parlamentáralašjođiheaddji Aili Keskitalo doaivu ráđđehusa vástidit otne.

GULDAL: Aili Keskitalo

20 millijuvdna

Poršaŋgu gieldastivvra lea dál gieđahallamiin dán jagáš bušeahtta ja filkkamánni lea geaibbidan gieldda unnidit bušeahtta 20 millijuvdan ruvdnuin.

Go stáhtaministtar Jens Stoltenberg galledii Sámedikki gieskat, de jo gulai makkár dilis sáme- ja kveanagielat gielddat leat. Son ii lohpidan dalle maidege, muhto Keskitalo doaivu Porsáŋggu gieldda oažžut heahteveahki vai giliskuvllat eai heaittihuva.