Politiijat: – Isket fal barttaid!
Nuorta-Finnmárkku politiguovlu ávžžuha bartaeaiggádiid Kárášjot-guovllus nu fargga go vejolaš fitnat iskamin ja guovllasteamen iežaset barttaid.
Sivva lea ahte maŋimuš áiggiid leat leamaš ollu sisagaikumat barttaide, justa fal Kárášjot-guovllus.
Nuorta-Finnmárkku politiguovllu doaimmajođiteaddji, Bjørn Tormod Syversen, lasita vel ahte olbmot berrejit dieđitit politiijjaide, jos fuobmájit sisagaikumiid.