Politiijat dieđihit veahá rieja

Mannan ija lea Finnmárkkus dieđihuvvon muhtin sajiin veahá riedja maŋŋel go olbmot leat juhkan. Girkonjárggas rigerii dievdu olgobáikkis ja politiijat šadde boahtit ja sihtat su vuolgit. Girkonjárggas šadde maid politiijat vuolgit priváhta vissui go dieđihuvvui rigearra, doppe dáhtto ovtta dievddu guođđit báikki. Mátta-Várjjagis bissehedje politiijat dolastanfeastta maŋŋel go nuorat bálkestedje bensiinna dollii. Deanus dieđihuvvui riedja priváhta viesus ja politiijat sihte ovtta dievddu vuolgit doppe. Kárášjogas dieđihuvvui ihkku ahte guokte dievddu leaba dorron, politiijat šadde bissehit sutno ja ášši lea váidojuvvon. Kárášjogas riŋgii maid drošševuoddji politiijaide go okta dievdu lei badjelmeare juhkaluvvan.