Poasttamearkkat sámi motiivvain

Sámiid Vuorkádávvirat Kárášjogas ohcet poasttamearkkaid main leat sámi motiivvat. Dát áiggošedje čohkket čájáhussii.

Poasttamearka sámi motiivvain
Foto: Ánne Olli / NRK

Sámiid Vuorkádávviriid fágabagadalli Berit Åse Johnsen
Foto: Anne Olli / NRK

Dán geassái dát áiggošedje Sámiid Vuorkádávvirii Kárášjohkii čohkket sámi motiivvat poasttamearkkaid čájáhussii. Sámiid Vuorkádávviriid fágabagadalli Berit Åse Johnsen dat ohcá dál Davvi Riikkain posttamearkkaid dahje friddjamearkkaid main leat sámi motiivvat. Dáinna áiggošedje čájehit makkár govat sámi historjjás leat govviduvvon poasttamearkkaide.

Poasttamearkkain historjá

Norgga poasttamearkkain dahje friddjamearkkain lea dávjá govviduvvon makkár nu dáidda, kultuvra, historjá dahje luondu. Dáin sáhttá de oaidnit Norgga historjjás. Jos sámi motiivvat leat govviduvvon poasttamearkkaide dahjege friddjamearkkaide de dáidá dáin ges oaidnit sámi historjjás.

Davvi sámi rumbu poasttamearkkas

Dat mii movttiidahtii Sámi Vuorkádávviriid ohcagoahtit friddjamearkkaid main leat sámi motiivvat, lea dat go sii dihtet ahte ovtta poasttamearkkas ain juo lea sámi motiiva, nu muitala Berit Åse Johnsen.

Gula jearahallama