SPR Nuoraidráđi ovddasteaddjit ledje mielde SPR Oulu dievasčoahkkimis mannan vahkus, čállá
.– Nuoraidkonferánssa fáddán galgá lea nuoraid oassálastin politihkas ja "engagement", muitalii Johanna Njaita dievasčoahkkimis.
Konferánsii ii leat vel goittotge gávdnon ruhtadeapmi.
SPRN lea maid válmmaštallamin nuoraid sámepolitihkalaš prográmma ja nuoraid doaibmaplána.
– Jos ii leat ruhtadeapmi, de mii eat sáhte bargat nuoraid áššiiguin, vaikke livččii dehálaš ahte davviriikkalaš sámenuorat hállet oktasaš jienain. Mii evttohit ahte dat riika, mii jođiha SPR, galgá maid sihkarastit ruhtadeami SPRN doibmii, Njaita dajai.
Ruoŧa Sámediggi jodiha SPR miessemánu rádjai ja 1.6.2015 jođihanovddasvástádus sirdašuvvá Suoma Sámediggái.