Pláne suollemas čoahkkima Sobergain

– Livččii vuogas beassat ságastit Finnmárkku ja Romssa bággonáittosdili birra stáhtaministariin Erna Solbergain go moai ihttin letne seamma semináras hurtigrute alde Gilivuonas Honnesváhkái, dovddaha Finnmárkku fylkkasátnejođiheaddji Ragnhild Vassvik (Bb).

Romssa ja Finnmárkku Olgešbellodat dat lágida seminára davviguovlluid ealáhusaid birra. Vassvik lea maid bovdejuvvon seminárai, muhto son ii leat vuos ožžon makkárge lohpádusaid beassat ságastit stáhtaministariin. Vassvik ii sáhte vuos muitalit makkár ságastallama son háliida stáhtaministtarin, muhto aŋkke lohká leat lunddolaš ságastit ovttastahttima birra.

– Mus lea ain doaivva ahte stáhtaministtar dál loahpaha bággonáittosdili maid gielddaministtar Monica Mæland háliida, lohká Vassvik

Ragnhild Vassvik møtte Erna Solberg etter folkeavstemninga
Foto: Ketil Steigen/Finnmark fylkeskommune