Korte nyheter

  • Ságastallan minerálaáššiin

    Sámediggepresideanttas čoahkkinastá ihttin iđđes Norgga ealáhusministtarin, Sámedikkis Kárášjogas. Sámediggepresideantta Silje Karine Muotka deaivá ealáhusministara Jan Christian Vestre ja galgaba digaštallat earret eará minerálaealáhusa doaimmain, muhto maid eará ealáhuspolitihkalaš áššit leat ovdan dán deaivvadeamis, čállá Sámediggi.

    Sametingspresident Silje Karine Muotka.
    Foto: JUNE BJORNBACK / JUNE BJORNBACK
  • Riidu boazodutkanbirrasiin

    Debáhtta boazologu birra ja guohtunguorbadančuolmmain Sis-Finnmárkkus lea dagahan garra riidduid dáža dutkanbirrasiin. Olu jagiid lea leamaš dáid dutkanbirrasiin sivahallamat mas lohket statistihkaiguin verrošan, dáid boazologu dutkamiin. Norsk institutt for naturforskning (Nina) logut ja dutkan eai leat seamma maid Norsk institutt for naturforskning dutkit álmmuhit, ja nu lea guhkká leamaš riidu dutkanbirrasiin loguid hárrái. Dás logat ášši

    Reinflokk
    Foto: Kai Erik Bull / NRK
  • - Berre doalahuvvot giddagasas

    Otne álgá ášši dikkis mas terrordubmejuvvon Anders Behring Breivik galgá diggái čilget manne son galggašii beassat geahččalit friddjavuonas fitnat. Kriminalomsorgens Utdanningssenter dutki Berit Johnsen oaivvilda Breivik ain lea várálaš ja ferte doalahuvvot giddagasas. Son lea dubmejuvvon goddán 77 olbmo terrordaguin suoidnemánu 22. beaivve 2011;is.

    Rettsak Anders Behring Breivik
    Foto: Anne Lognvik / NRK