NRK Meny

Peru oljobohkamat cuiggoduvvojit

Guokte Ovttastuvvan Našuvnnaid áššedovdi miedduba garrasit mátta-amerihkálaš Peru eiseválddiid addimis lobi stáhta oljofitnodahkii joatkit bohkat oljju álgoálbmogiid eatnamis nuortadavvi Peruas. Oljobohkamat leat ovdalaččas sakka nuoskkidan guovllu eatnamiid ja čáziid.

ONa áššedovdi guovttos Victoria Tauli-Corpuz ja Baskut Tuncak oaivvildeaba, ahte joatkevaš oljobohkamat vahágahttet ahkásii guovllu olbmuid dearvvasvuođa, biepmu ja čázi ja rihkkot sakkarat álgoálbmoga olmmošvuoigatvuođaid.

Peru ráđđehus mearridii ikte ahte stáhta iežas oljofitnodat oažžu lobi joatkit bohkamiid oljovaljálaš guovllus Loretos nuortadavvi Peruas. Guovllus lea fitnodat bohkan oljju badjel 40 jagi, ja álgoálbmogiid eatnamat leat fastit nuoskkiduvvon. Dearvvasvuođa guorahallamat čájehit ahte 98 proseanttas guovllu mánáin leat mirkkolaš metállat varas.