Hopp til innhold

rOlfFa Party(joik)??

rOlfFas lea ilbman CD skearru, ja mii leat buohkat vuorddašan dan. Muhto, lei go veara??

Rolffa
Foto: Govven: Åse Kathrin Vuolab / NRK

Partyjoik nammasaš CD skearru lea dál buvddain ja bensinstašovnnain - viehkalat go don oastit dan??
In mun gal.

rOlfFa joavkus leat 6 gándda geat álge čuojahit musihka somás dihte ruovttus. Áigi golái ja gánddat bidje musihkaset internehtti, ja fáhkkestaga gullui rOlfFa musihkka juohke sajis.

rolffa

Gánddat rohttestit Partyjoik

Foto: Govven: Åse Kathrin Vuolab / NRK

Na juo, gal mun guldalin CD skearru. Mieđihan ahte mus ledje alla vuorddámušat, čájehuvvoi beare allagat!

5 ođđa lávlaga? Come on!
"Eat dis leat eanet middjide? Mii geat leat vuorddán nu guhkká!" smihtten mun.

Sin ođđa lávlagat leat gal oalle OK, muhto.. gosa bat sámegiella javkkai?! (Ja ruoŧagilli fáhkkestaga?)
Gal mu mielas livčči sáddji maid sámegiel-lávllagiidda.
Go jo bidje "boares" lávlagiid CD:ii, manne eai daid sámegiel hit'aid, nugo Guktii dahje Lahppon?

Go oidnen ahte Partyjoik ja Toppløs ledje CD skearrus smiehtastin dakkatviđe: "Movt son leat rievdadan daid?"

rolffa cd skearrun

rOlfFa lea duđavaš CDain, leat don?

Foto: Govven: Åse Kathrin Vuolab / NRK

"Hvis du kaller han der en for en partypoik Så e det her en partyjoik"

Aibbas duođalaččat? Buot energia lei jávkan!

Gula, it don sáhte gohčodit DIEN partyjoikain. Dát šuokŋa lea álo leamaš dan rájes go ilmmái rOlfFa neahttasiidui, hirbmat feastta-bensiidna! Muhto dál ii lean šát leaktu ja mokta lávllagis.

Juoidá mii lean námuhanveara lea šuokŋa "Farsan". Mu mielas lea dát dat aidna lávlla gos duodai dovddut gullojit. Dát lea vissa rOlfFa buoremus lávlla, go dás beassat oahppásmuvvat eambbo rOlfFain. Doaivumis ii leat álki lávlut ja juohkit jurddagiid diekkár áššiin.
CD siskošis lea maid govvá rOlfFas ja su áhččis, mii fas čájeha man nuorra rOlfFa duođai lei go massi iežas áhčči. Dien lahkai lea álkit áddet teavstta.

Dat vuhtto ahte rOlfFa lea eambbo live-bánda go studio-bánda. Diehtelassat leat gánddat varra dolkan moadde daid lávllagiidda, go juo leat čuojahan dáid bádjelaš guokte jági.
Ráhkkis rOlfFa, állet gille mannat studioi bilidit iežaset lávllagiid masa mii guldaleaddjit leat juo šaddan nu čátnon.

Mun ledjen realease-konsearttas máŋŋel go ledjen guldalan sin CD, ja konsearttas lei musihkka nu olu buoret go skearrus. Vissa doaibma joavku buoret go guldaleaddjiid doaškkun ja mokta láidesta sin "Partyjoik-dillái".

Rolffa

Rolffa go juoigá ÁAV

Foto: Govven: Åse Kathrin Vuolab / NRK

Buorre lea go gánddat ain máhttet rocket lávdde álde, go studios eai lihkostuva seamma bures.

Viisa leat fuobmán ahte CD skearru ii geasuhan mu, ja mu oainnu mielde lea buoret vuolgit sin konsertii dahje dušše "boaldestit" sin dološ hit'aid ja čuojahit dan.

Loahpahan dáinna sitahtain maid gullen duo ovtta beaivve:
"Dat soaitá dohkket go lean feasttas ja in guldal nu olu dan musihka mii lea duogážis, muhto go vuoddján guhkes mátkái de ii leat dá dat skearru mii mu biillas čuojahuvvo"

Korte nyheter

  • Háliidit bissehit rádjárasttildeami

    Suopma lea bisseheamen Ruošša beale turisttaid boahtima Supmii. Ulbmilin lea easttit Suoma bokte johtima eará Schengen-riikkaide. Supmii beassá dan maŋŋá dušše fuolkevuođa, studerema ja humanitaralaš sivaid dihte. Áššis mearriduvvo loahpalaččat lagaš beivviin.

    Mearrádusa ákkastallet dainna ahte Suomas lea šaddamin čađajohtinriika Ruošša olbmuide ja dát dilli lea várálaš Suoma beaggimii riikkaidgaskasaš politihkas. Máŋggat riikkat leat juo gidden rájáid.
    Mannan vahkuloahpa áigge buot Suoma ja Ruošša rádjerasttildanbáikkiin ledje oktiibuot váili 17 000 johtti.

    Finland Russia
    Foto: Lauri Heino / AP
  • Sámi filmmat leat ožžon fuomášumi

    Nuortalaš filbmadahkki Katja Gauriloff ođđa filbmaprošeakta «Je'vida» lea vuoitán buoremus fikšuvdnafilbmaprošeavtta bálkkašumi Finnish Film Affair -dáhpáhusas Rakkautta- ja anarkiaa -festivála oktavuođas. Bálkkašumi sturrodat lea 3000 euro.

    Sunna Nousuniemi dokumeantafilbma «Boso mu ruovttoluotta» gis oaččui Moving People and Images -bálkkašumi Rakkautta- ja anarkiaa -festiválas. Bálkkašumi sturrodat lea 1000 euro.

    Boso mu ruovttoluotta, Sunna Nousuniemi
    Foto: Sunna Nousuniemi
  • Guovttis váldon gitta ja áššáiduhtton Oslo-báhčimiid oktavuođas

    Guokte albmá 30 ja 40 jagiin leaba ikte váldon gitta ja áššáiduhtton go navdet sudno oassálastán Oslo-báhčimiin geassemánu 25. beaivve, gos guokte olbmo goddo ja 21:s roasmmohuvve.

    Formálalaččat leaba soai áššáiduhtton searvamis terrordaguide.

    Nu čállá Oslo politiijaguovlu preassadieđáhusas.

    Albmás 40 jagiin lea somálalaš riikkavulošvuohta, ja albmás 30 jagiin lea ges norgga riikkavulošvuohta.