Vilges muohtamáilbmái lihkke ollu Parisalaččat otne sámiálbmotbeaivve.
– Lea hárve ahte Parisas muohttá, ja danin leige nu issoras somá oaidnit českes buhtes gávpoga, dadjá Joni Saijets guhte orru dál Parisas.
– Ieš guovddážii ii bisán nu ollu muohta, muhto dál leat dieđihan buollašii ja muohttaga dalle sáhttá šaddat gáláhat dadjá sámigirječálli Jovnna-Ánde Vest gii lea orrun Parisas badjel 35 jagi.
Vest ii daja iežas áigut ávvudit beaivvi, muhto čuovvu das mii Sámis dáhpáhuvvá. Joni Saijets áigu morsiinis otná eahket ávvudit sámeálbmotbeaivve buorebuš mállásiin.