NRK Meny

Parisas báhčalit bissuiguin

Parisas leat politiijat báhčán bissuiguin go ledje ohcamin terroristtaid Saint Denises (Sant Deni) guovllus, mii lea davábeale Parisa gávpogis. Nu dieđiha ođasdoaimmahat AFP.

Politiijat álge ohcat terroristtaid odne iđđes diibmu beal viđas. TV-kanála I-Tele dieđiha ahte politiijat ohcet terroristtaid mat ledje mielde terrordáhpáhusas Parisas bearjadaga eahkeda.

Eará tv-kanála BFMTV, dieđiha ges ahte máŋga politiijabálvá leat roasmmehuvvon ja unnimusat okta politiijabálvá lea goddon dan operašuvnnas.