Paracetamola ja áhpehis nissonat
Dutkan čájeha ahte dálkasat main lea paracetamol ii heive geavahit go lea áhpeheapme go sáhttá čuohcat máná ahtanuššamii. Ođđa rápportas čuožžu earret eará ahte áhpehis nissonat galggašit geavahit paracetamola dušše jus leat buori medisiinalaš sivat dasa ja ovttasráđiin doaktáriin. Ođđa dutkan lea riikkaidgaskasaš ovttasbargu ja dutkit leat ovttas guorahallan ja analyseren dieđuid mat leat 25 jagis čoggon.
– Dutkan iešguđetge riikain čájeha ahte sáhttá leat čanus gaskal alla paracetamol geavaheamis ja váttuin mat mánáin šaddet eatniheakkas. Nu dadjá prošeavtta jođiheaddji, David Møbjerg Kristensen preassadieđáhusas.