NRK Meny
Normal

Øygard ođđa bisma

Olav Øygard lea nammaduvvon ođđa bisman Davvi Hålogalándda bismagoddái. Son lea dál proavás Álttás.

Olav Øygard
Foto: marit garfjeld / nrk

Maiddái boahtte Davvi Hålogalándda bisma máhttá sámegiela ja sámi girkoráđis illudit go Olav Øygard otne nammaduvvui ođđa bisman. Øygard vihahuvvui báhppan Kárášjoga girkui 1981:s. Son lohká leat veaháš balus go álgá bismadoibmii go oaivvilda ahte dat sáhttá leat váttis leat bisman.

Lea Norgga Girkoráđđi mii nammada bismmaid Norgga girkui ja ráđi jođiheaddji, Svein Arne Lindø muitala ahte Olav Øygarda gelbbolašvuođat sámi girku ja kultuvras, su sámegiel máhttu ja go guhkká lea doaibman báhppan Finnmárkkus, ledje deahkálaččat go sii válljejedje su ođđa bisman Davvi-Hålogalándii.

  • Guldal ášši:
    Øygard odda bisman