NRK Meny

Ovttasráđiid eastadit givssideami

Mannan bearjadaga vuolláičálii sámediggeráđđi «Ovttasráđiid eastadit givssideami» Marienlyst skuvllas Oslos. Dutkamat čájehit ahte sullii 17.000 máná givssiduvvojit skuvllain Norggas beaivválaččat. Ođas dáinna šiehtadusain lea ahte mánáidgárddit galget maid fárrui givssideami eastadanbargui. Sámediggeráđđelahttu Silje Karine Muotka muitala, ahte iskosis boahtá ovdan ahte sámi skuvllain lea eanet givssideapmi go našunála dásis ja dát geatnegahttá ollugiid searvat eastadanbargui.