NRK Meny
Normal

Ovddida mearraluossabivddu hástalusa

Sámediggeráđđi ovddida nu go Davvi-Norgga mearraluossabivddu hástalusaid, go odne beaivet Deaivvadit dálkkádat- ja birasministtarin.

Silje Karine Muotka

Áigu váldit čoahkkimis ovdan nu go mearraluossabivddu, suodjalanplánaid birra ja boraspireváttisvuođaid sámeguovlluin.

Foto: Silje Karine Muotka/Kenneth Hætta / Sametinget

– Sii gal deattuhit ahte eai dohkket dan ahte ruošša galgá stivret nu go dan árbevirolaš mearraluossabivddu Mátta-Várjjagis, ja Dan sii leat maid ovdalis cealkán olgoriikadepartementii maid, lohká Sámediggeráđđi Silje Karine Muotka.

Ii leat dušše mearraluossabivddu birra

Maiddái Sámediggeráđđi Thomas Åhren searvá čoahkkimii dálkkádat- ja birasministtarin Tine Sundtoftan, Oslos.

Earret mearraluossabivddu, váldet čoahkkimis ovdan nu go suodjalanplánaid birra muhtin guovlluin Finnmárkkus. Muhto maiddái boraspireváttisvuođaid sámeguovlluin lea hástalus maid Sámediggeráđđi váldá ovdan.

Dálkkádat- ja birasministtar Tine Sundtoft ii asttan ikte searvat jearahallamii otná čoahkkima birra.

  • Guldal olles ášši: